Google Facebook Twitter

Jun 2, 2016

GMA Scammer: Nagkakahalagang 1.54 milyong piso, itinakbo. Mga artista ng GMA Network, nadamay.

Jan Paula Plamenco     6/02/2016  1 comment

Kumakalat ngayon sa social media ang post ng isang nagngangalang Mhie Arceo Labiano at pinahayag nyang sya daw ay niloko ng isang babae na sinabing gagamitin daw ang pera nya (1.54 million) para sa isang teleserye investment ng GMA 7.

Ang babaeng kanyang tinutukoy ay nagngangalang Jenelyn "Jen" Tanjoco Morales na naninirahan sa Pulilan, Bulacan. 

Ito ang kanyang pahayag:




Pati ang talent ng GMA 7 na si Kim Domingo ay nag post sa kanyang Facebook account tungkol sa scammer na ito. 

Ito ang kanyang pahayag:


May ilang galit na netizen din ang nag post ng kanilang reklamo tungkol sa scammer na ito.



Hindi ako magugulat kung isang araw ay ibabalita nalang ito sa TV, lalo na at sabit ang pangalan ng isang napaka laking TV network at ilang kilalang artista gaya nila Derrick Monasterio, Louise delos Reyes at marami pang iba. Damay din Encantadia, ang bago at malaking teleserye ng nasabing network. 

Nasan na kaya si Jenelyn Tanjoco Morales ngayon? Simple lang, kung wala syang kasalanan, lumabas sya at harapin lahat ng mga taong ito. Kawawa ang mga taong naloko gaya ni Ms. Labiano. Hindi biro ang 1.54 million lalo na at nasa ibang bansa sya, kumakayaod at nagpapaka hirap para kumita ng pera. 

Hindi ako husgado, pulis o abogado para makielam at mang husga sa mga ganitong bagay pero bilang isang manunulat, ginagawa ko ang tungkulin ko para iparating sa mga tao ang mga ganitong pangyayari. Lahat tayo ay may purpose sa buhay. Diyos ang bahala, pero gawin natin ang part natin bilang isang mamamayan. 

Dear Ms. Morales, hindi mo ako kilala pero nagbabaka sakali akong mabasa mo itong blog ko pati itong sulat ko. Bata ka pa pala. 23 years old ka pa lang. Malaki at seryosong bagay ang binabato sayo ngayon ng mga kilala at ordinaryong tao. Nasaan ka? Siguro ay natatakot ka at hindi alam ang gagawin. Pero para sakin, mas makakabuti kung hindi mo na ito papatagalin at harapin mo kung ano man ang nagawa mo. Una sa lahat, naiisip mo sana ngayon ang pamilya mo. Hindi lang pangalan at buhay mo ang nasisira, pati buong pamilya mo, nadadamay. Wala ka sigurong anak, pero paano yung mga pamangkin mong mga bata o kung may kapatid ka mang bata. Naiisip mo ba kung isang araw eh hindi nalang sila makapag aral ng maayos o hindi makalabas ng bahay dahil pati sila binabatikos ng mga tao? Paano na din yung mga magulang mo? Matatanda na sila, kawawa naman sila. Sana maawa ka din sakanila. Ms, Morales, hindi kita hinuhusgahan o ano man. At hindi ito sulat na may halong galit. Marami ng galit sayo, ayaw ko na dumagdag. Pero talagang naaawa ako sa mga biktima lalong lalo na sa pamilya mo. Kaya sana hanggat maaga pa, ayusin mo kung ano man ang nangyari. Kung natatakot ka, magdasal ka at umiyak ka sa Diyos. Sya ang bahala sayo, magtiwala ka sana Sakanya at magsisi. Hindi pa naman huli ang lahat. Wala tayong magagawa kung makukulong ka at pagbayaran lahat ng nagawa mo. Pero tandaan mo, lahat naman ng nangyayari satin ay may dahilan. 

Maraming salamat po sa pagabasa nyo sa blog na ito. Hanggang sa muli.




, , , ,

1 comment :

  1. Update po. Nahuli na at naka kulong na po ngayon si Jen Morales. Matagal na din po. Nabartolina daw po sya kasi pati hanggang sa kulungan nakapang loko daw at naka utang ng 5thousand at ayaw bayaran.

    ReplyDelete

Proudly Powered by Blogger.